- Auglýsing -
- Auglýsing -
- Auglýsing -

HK vann bæði stigin sem í boði voru í KA-heimilinu

Hjörtur Ingi Halldórsson, leikmaður HK, var markahæstur í sigurleiknum á Akureyri. Mynd/Eyjólfur Garðarsson
- Auglýsing -

HK-ingar fögnuðu að margra mati óvæntum sigri þegar upp var staðið í KA-heimilinu í kvöld, 27:26, og náðu þar með í tvö mjög mikilvæg stig í baráttunni í neðri hlutanum. Þeir hafa nú níu stig í níunda sæti Olísdeildar karla í handknattleik eftir 14 leiki og eru einu stigi á eftir KA og Gróttu en síðarnefnda liðið á leik til góða við Stjörnuna annað kvöld.

KA-liðið var sex mörkum undir að loknum fyrri hálfleik, 16:10, eftir að HK hafði ráðið lögum og lofum frá byrjun. Heimamenn bitu frá sér á endasprettinum en það nægði þeim ekki til þess að fá eitt hvað út úr viðureigninni.

Sigurinn gefur HK væntanlega frekari byr í seglin fyrir framhaldið því fara ekki öll lið með tvö stig heim úr heimsókn sinni í KA-heimilið.

Staðan og næstu leikir í Olísdeildum.

Mörk KA: Skarphéðinn Ívar Einarsson 7, Dagur Árni Heimisson 5, Ott Varik 4, Einar Rafn Eiðsson 4/3, Daði Jónsson 3, Jens Bragi Bergþórsson 1, Arnór Ísak Haddsson 1, Einar Birgir Stefánsson 1.
Varin skot: Nicolai Horntvedt Kristensen 9, 47,4% – Bruno Bernat 6, 27,3%.
Mörk HK: Hjörtur Ingi Halldórsson 7, Kristján Ottó Hjálmsson 5, Júlíus Flosason 5, Kári Tómas Hauksson 3/1, Elías Björgvin Sigurðsson 2, Sigurður Jefferson Guarino 2, Sigurvin Jarl Ármannsson 1, Styrmir Máni Arnarsson 1, Aron Gauti Óskarsson 1.
Varin skot: Sigurjón Guðmundsson 9, 29% – Róbert Örn Karlsson 2, 33,3%.

Tölfræði leiksins hjá HBStatz.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -