Landslið Íslands í handknattleik karla, skipað leikmönnum 19 ára og yngri, hefur keppni á heimsmeistaramótinu í Króatíu á miðvikudaginn með leik við Tékklandi. Íslenski hópurinn heldur af landi brott í dag. Millilent verður í París áður en komið verður til Zagreb í kvöld. Frá Zagreb til gististaðar er áætlaður um 90 mínútna akstur.
Íslenska liðið leikur í bænum Koprivnica. Alls taka 32 lið þátt í mótinu sem fram fer í Varaždin, Rijeka, Opatija auk Koprivnica.
Leikir Íslands C-riðli: 2. ágúst kl. 13.30: Ísland - Tékkland. 3. ágúst kl. 13.30: Ísland - Japan. 5. ágúst kl. 13.30: Ísland - Egyptaland. Leikirnir verða sendir út á youtuberás IHF. Streymi verður aðgengilegt á handbolti.is. Einnig verður textalýsing frá öllum leikjum Íslands á handbolti.is.
Leikið verður í átta riðlum. Fjögur lið eru í hverjum riðli. Tvö efstu liðin komast áfram í 16-liða úrslit. Tvö neðstu lið hvers riðils leika um sæti 17 til 32. Mótinu lýkur 13. ágúst.
Íslenski keppnishópurinn
Markverðir:
Ísak Steinsson, Ros/Drammen (Noregi).
Breki Hrafn Árnason, Fram.
Aðrir leikmenn:
Andri Fannar Elísson, Haukum.
Birkir Snær Steinsson, Haukum.
Daníel Örn Guðmundsson, Val.
Eiður Rafn Valsson, Fram.
Elmar Erlingsson, ÍBV.
Haukur Ingi Hauksson, HK.
Hans Jörgen Ólafsson, Selfossi.
Hinrik Hugi Heiðarsson, ÍBV.
Ívar Bessi Viðarsson, ÍBV.
Kjartan Þór Júlíusson, Fram.
Reynir Þór Stefánsson, Fram.
Skarphéðinn Ívar Einarsson, KA.
Þorvaldur Örn Þorvaldsson, Val.
Össur Haraldsson, Haukum.
Starfsmenn:
Einar Jónsson, þjálfari.
Heimir Ríkarðsson, þjálfari.
Haukur Ólavson, liðsstjóri.
Ísak Sigfússon, sjúkraþjálfari.
Magnús Kári Jónsson, fararstjóri.
Undirbúningur hefur staðið yfir frá því í júní. Auk stífra æfinga hefur liðið leikið fimm vináttuleiki, þrjá á alþjóðlegu móti í Þýskalandi og tvisvar við Færeyinga sem einnig eiga lið á heimsmeistaramótinu.
U17EM: Ísland verður á meðal 16 liða í Podgorica
