- Auglýsing -
- Auglýsing -
- Auglýsing -

Hollendingar eru úr leik

Staffan Olsson landsliðsþjálfari Hollands segir mönnum til í leiknum við Slóvena í dag. Mynd/EPA
- Auglýsing -

Hollenska landsliðið er úr leik í kapphlaupinu um sæti í forkeppni Ólympíuleikanna eftir þriggja marka tap fyrir Slóvenum, 37:34, í þriðju umferð milliriðils tvö í Hamborg í dag. Hollendingar eru án stiga í riðlinum og eiga aðeins einn leik eftir.

Portúgal og Austurríki standa best að vígi í keppninni um Ólympíusæti. Aðeins íslenska landsliðið getur sett strik í reikninginn með því að vinna báða leiki sína sem eftir eru, gegn Króatíu og Austurríki og vonast um leið til þess að að Austurríki kræki ekki í stig í leiknum við Frakka á morgun.

Skoraði 15 mörk

Niels Gerardus Versteijnen skoraði 15 mörk í 17 skotum fyrir hollenska landsliðið í leiknum. Enginn hefur skoraði fleiri mörk í einum leik en hann.

Gasper Maric, Nejc Cehte og Kristjan Horzen skoruðu sex mörk hver fyrir Slóvena sem eiga ennþá von um að leika um fimmta sætið á mótinu.

Hollendingar voru slakir í fyrri hálfleik gegn Slóvenum og voru sex mörkum undir að loknum fyrri hálfleik, 19:13. Þeim tókst að saxa á forskotið í síðari hálfleik. Undir lokin var mikil spenna komin í leikinn. Hollenska liðið minnkaði ítrekað muninn í tvö mörk. Slóvenar sýndu yfirvegun og héldu fengnum hlut.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -