Hörður frá Ísafirði er kominn í átta liða úrslit í bikarkeppni karla í handknattleik í fyrsta sinn. Hörður lagði Kórdrengi með 13 marka mun í viðureign á Ásvöllum í kvöld, 38:25, eftir að hafa verð fimm mörkum yfir í hálfleik, 18:13.
Harðarmenn voru með yfirhöndina í leiknum frá upphafi til enda en það var ekki fyrr en nokkuð var komið fram í síðari hálfleik sem Ísfirðingar náðu alveg að losa sig við baráttuglaða Kórdrengi sem reka lestina í Grill 66-deildinni. Hörður er í sömu stöðu í Olísdeildinni.
Þar með eru sex lið komin í átta liða úrslit, Haukar, Stjarnan, Afturelding, Fram, ÍR og Hörður. Á morgun lýkur 16-liða úrslitum með heimsókn bikarmeistara Vals til ÍBV og Víðismanna til KA á Akureyri.
Mörk Kórdrengja: Eyþór Vestmann 8, Egill Björgvinsson 4, Þorlákur S Sigurjónsson 4, Egidijus Mikalonis 2, Sigurður Karel Bachmann 2, Stefan Mickael Sverrisson 2, Logi Aronsson 2, Hjalti Freyr Óskarsson 1.
Varin skot: Birkir Fannar Bragason 19.
Mörk Harðar: Jón Ómar Gíslason 7, José Esteves Neto 5, Endijs Kusners 5, Tadeo Ulises Salduna 4, Suguru Hikawa 3, Þráinn Ágúst Arnaldsson 3, Daníel Wale Adeleye 3, Victor Iturrino 3, Guilherme Andrade 1, Jhonatan Santos 1, Óli Björn Vilhjálmsson 1, Sudario Eidur Carneiro 1, Emannuel Evangelista 1.
Varin skot: Rolands Lebedevs 21, Emannuel Evangelista 4.
