Sigvaldi Björn Guðjónsson fór á kostum í kvöld og skoraði níu mörk í 11 skotum þegar Kolstad vann Haslum HK í Þrándheimi með níu marka mun, 40:31, í norsku úrvalsdeildinni í handknattleik. Sigvaldi Björn skoraði ekki úr vítakasti að þessu sinni.
Janus Daði Smárason skoraði tvö mörk en átti 11 stoðsendingar.
Fimm mörk úr sex skotum
Orri Freyr Þorkelsson lék afar vel úr þeim möguleikum sem hann fékk í kvöld með Elverum vann Nærbø á heimavelli, 33:27, eftir að hafa verið sex mörk yfir í hálfleik, 18:12.
Hafnfirðingurinn skoraði fimm mörk í sex skotum og lét svo sannarlega til sín taka enda var hann markahæstur hjá norska meistaraliðinu.
Elverum er í þriðja sæti með 20 stig eftir 14 leiki og átta stigum á eftir Kolstad en aðeins einu stigi frá Drammen sem situr í öðru sæti.
