- Auglýsing -
- Auglýsing -
- Auglýsing -

Hrafnhildur Anna mætir til leiks með Stjörnunni

Hrafnhildur Anna Þorleifsdóttir ætlar að verja mark Stjörnunnar næstu árin. Mynd/Stjarnan
- Auglýsing -

Hrafnhildur Anna Þorleifsdóttir, markvörður, hefur ákveðið að ganga til liðs við Stjörnuna að loknum tveimur árum í herbúðum Vals. Hrafnhildur Anna, sem er FH-ingur að upplagi, hefur gert samning við handknattleiksdeild Stjörnunnar til ársins 2026, eða svo segir í tilkynningu Stjörnunnar í dag.

Hrafnhildur hefur leikið yfir 100 leiki í meistaraflokki FH, síðast í vetur þegar hún var tímabundið lánuð til félagsins frá Val. Formlega kvaddi hún FH sumarið 2022 og samdi við Val til tveggja ára. Hrafnhildur Anna var annar markvörður Vals leiktíðina 2022/2023 og varð m.a. Íslandsmeistari fyrir ári. Hún var minna með í vetur eftir að Hafdís Renötudóttir, landsliðsmarkvörður, samdi við Vals. Þess vegna var Hrafnhildur Anna lánuð til FH stóran hluta tímabilsins en var kölluð til baka á Hlíðarenda í febrúar.

Patrekur bindur vonir við Hrafnhildi

„Hrafnhildur Anna er góður leikmaður sem ég bind miklar vonir við. Hún er með góða reynslu í markinu frá tíma hennar í FH og svo Val, ég hlakka til að fá hana í Garðabæinn,“ er haft eftir Patreki Jóhannessyni sem tekið hefur við þjálfun kvennaliðs Stjörnunnar af Sigurgeiri Jónssyni.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -