- Auglýsing -
- Auglýsing -
- Auglýsing -

Hulda Bryndís sleit krossband – löng fjarvera

Hulda Bryndís Tryggvadóttir leikmaður KA/Þórs sleit krossband. Mynd/Egill Bjarni Friðjónsson
- Auglýsing -

Hulda Bryndís Tryggvadóttir handknattleikskonan reynda hjá KA/Þór leikur ekki með liðinu næsta árið, hið minnsta eftir að ljós kom að hún sleit krossband í öðru hné í leik gegn ÍR í síðasta mánuði. Akureyri.net segir frá ótíðindunum í morgun.

Hulda Bryndís fékk þungt högg á annað hnéið í leik við ÍR í Olísdeildinni í 10. febrúar. Hún var þá að leika með liðinu í fyrsta sinn eftir að hafa fætt sitt fyrsta barn fyrir nærri ári síðan. Hulda Bryndís, sem var í sigursælu liði KA/Þórs 2021, ætlaði að leggja sitt lóð á vogarskál við að aðstoða KA/Þórsliðið sem er um þessar mundir í harðri fallbaráttu.

Þrátt fyrir allt er Hulda Bryndís ekki af baki dottin. Hún stefnir ótrauð á að mæta út á leikvöllinn aftur með KA/Þórsliðinu.

„Þetta er nýtt verkefni sem maður tæklar. Ég stefni á að koma til baka, hvort sem það verður í lok næsta tímabils eða á tímabilinu eftir það,“ segir Hulda Bryndís við Akureyri.net.

Í desember sleit Rakel Sara Elvarsdóttir samherji Huldu Bryndísar krossband í hné á æfingu í KA-heimilinu. Hún gekkst undir aðgerð á dögunum.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -