- Auglýsing -
- Auglýsing -

Hvað sagði Díana eftir leikinn við Angóla?

Markverðirnir Hafdís Renötudóttir og Elín Jóna Þorsteinsdóttir bera saman bækur sínar. Mynd/Carina Johansen - EPA
- Auglýsing -

Díana Guðjónsdóttir handknattleiksþjálfari hjá Haukum og fyrrverandi landsliðskona veltir fyrir sér frammistöðu kvennalandsliðsins í þriðja leiknum á HM í handknattleik sem var við Afríkumeistara Angóla en með honum lauk þátttöku Íslands í riðlakeppni HM. Hvað fannst Díönu ganga vel og hvað illa? Hún sendi handbolta.is eftirfarandi pistil.

Ætluðu að selja sig dýrt

Greinilegt var að stelpurnar ætluðu að selja sig dýrt og góð
barátta í leiknum. Ég var farin að vorkenna Þórey Rósu að hlaupa svona vel upp en fá aldrei boltann í byrjun leiks.

Varnarlega var 5/1 vörnin að koma vel út og setti andstæðingana í vesen.

Dýrkeyptar mínútur

Síðust 7 mínúturnar í fyrri hálfleik voru okkur dýrkeyptar, of
mikið af töpuðum boltum, ódýrar 2 mínútur og tókum ekki frákast þegar við erum í undirtölu þegar Hafdís ver.

Vorum með alltof marga tapaða bolta í fyrri hálfleik eða ca 10.

Seinni hálfleikinn byrjuðum alltof illa sóknarlega og vorum við
ekki með mark í rúmar 7 mínútur. En svo kom góður kafli þar sem við breyttum stöðunni úr 14 – 19 í 21 – 21 og erum í hörkuleik eftir það þar sem allt gat gerst.

Kassoma línumaður var okkur erfið í þessum leik við þurfum að loka betur á línumenn andstæðinganna.

Margt gott til að byggja á

Það var margt gott í þessum leik sem vel er hægt að byggja á.
Elísa kom vel inn, Elín Jóna stóð fyrir sínu en við þurfum að
fá betri frammistöðu í öllum leikjunum fá fleiri leikmönnum til
að komast lengra á svona móti. En það er dýrt að fá á sig
tvær mínútur í sitthvorum hálfleiknum fyrir rangar skiptingar.

En núna er það bara áfram gakk og vinna Forsetabikarinn.

Áfram Ísland.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -