Í úrvalsliði mánaðarins í annað sinn í röð – myndskeið

Annan mánuðinn í röð er Ómar Ingi Magnússon, leikmaður SC Magdeburg, í úrvalsliði þýsku 1. deildarinnar í handknattleik. Hann var einnig í úrvalsliði fyrir spetember.

Greint var frá vali liðsins í morgun. Ómar Ingi hefur farið á kostum með Magdeburg í leikjum deildarinnar frá því að flautað var til leiks í byrjun september. Hann er einn þriggja markahæstu leikmanna deildarinnar með 56 mörk. Hinir eru Niclas Ekberg hjá Kiel og Marcel Schiller hornamaður Göppigen.

Hér fyrir neðan má sjá myndskeið þegar Ómar Ingi tryggði SC Magdeburg sigur á Erlangen á síðasta sunnudag, 28:27.