FH tókst ekki að leggja stein í götu, ÍR, efsta liðs Grill 66-deildar kvenna í handknattleik í dag þegar liðin mættust í Kaplakrika. ÍR-ingar voru með yfirhöndina frá upphafi til enda og unnu með fimm marka mun, 25:20, eftir að hafa verið fjórum mörkum yfir að loknum fyrri hálfleik, 12:8.
ÍR er þar með áfram efst og taplaust í Grill 66-deildini eftir átta leiki. Liðið er með 15 stig, er fjórum stigum á undan Aftureldingu sem á leik til góða. FH er í fimmta sæti með 8 stig eftir átta leiki.
Mörk FH: Hildur Guðjónsdóttir 11, Emma Havin Sardardóttir 3, Ragnhildur Edda Þórðardóttir 2, Telma Medos 1, Aníta Björk Valgeirsdóttir 1, Eva Gísladóttir 1 , Ivana Meincke 1.
Varin skot: Selma Þóra Jóhannsdóttir 13.
Mörk ÍR: Ásthildur Bertha Bjarkadóttir 7, Matthildur Lilja Jónsdóttir 5, Karen Tinna Demian 3, Hanna Karen Ólafsdóttir 3, Sigrún Ása Ásgrímsdóttir 3, Stefanía Ósk Engilbertsdóttir 2, Dagbjört Ýr Ólafsdóttir 1, Sylvía Sigríður Jónsdóttir 1.
Varin skot: Hildur Öder Einarsdóttir 10.
Staðan í Grill 66-deild kvenna og næstu leikir.
