ÍR færðist upp í annað sæti Grill 66-deild karla í kvöld með sigri á ungmennaliði Víkings, 39:31, á heimavelli Víkinga í Safamýri. Þetta var fyrsti leikur ÍR-inga í deildinni í 47 daga og varð það svo sannarlega kærkomið fyrir leikmenn að taka þátt í kappleik á nýjan leik.
Eftir jafnar upphafsmínútur náðu ÍR-ingar góðum kafla sem skilaði þeim fimm marka forskoti í hálfleik, 21:16. Víkingum tókst aldrei að ógna ÍR-ingum í síðari hálfleik og lokatölur, 39:31.
ÍR hefur þar með 16 stig að loknum 11 leikjum. Þór er stigi á eftir, einnig eftir 11 leiki.
Ungmennalið Fram heldur öruggri forystu í Grill 66-deildinni, sex stigum á undan ÍR. Fram vann ungmennalið HK naumlega í Kórnum í kvöld, 28:27.
Staðan og næstu leikir í Grill 66-deildum.
Víkingur U – ÍR 31:39 (16:21).
Mörk Víkings U.: Stefán Scheving Guðmundsson 10, Sigurður Páll Matthíasson 8, Einar Marteinn Einarsson 4, Arnar Gauti Arnarsson 4, Nökkvi Gunnarsson 2, Benedikt Emil Aðalsteinsson 2, Arnar Már Ásmundsson 1.
Varin skot: Hinrik Örn Jóhannsson 11, Heiðar Snær Tómasson 5.
Mörk ÍR: Hrannar Ingi Jóhannsson 9, Sveinn Brynjar Agnarsson 8, Baldur Fritz Bjarnason 7, Eyþór Ari Waage 6, Bernard Kristján Darkoh 4, Róbert Snær Örvarsson 3, Viktor Freyr Viðarsson 1, Bergþór Róbertsson 1.
Varin skot: Rökkvi Pacheco Steinunnarson 14.
HK U – Fram U 27:28 (14:13).
Mörk HK U.: Ísak Óli Eggertsson 6, Kári Tómas Hauksson 4, Benedikt Þorsteinsson 4, Ari Sverrir Magnússon 3, Marteinn Sverrir Bjarnason 3, Styrmir Máni Arnarsson 3, Egill Már Hjartarson 2, Arnór Róbertsson 1, Mikael Andri Samúelsson 1.
Varin skot: Patrekur Guðni Þorbergsson 8, Sigurður Jökull Ægisson 7.
Mörk Fram U.: Benjamín Björnsson 5, Eiður Rafn Valsson 5, Bjartur Már Guðmundsson 4, Marel Baldvinsson 4, Felix Már Kjartansson 3, Daníel Stefán Reynisson 3, Max Emil Stenlund 2, Alex Unnar Hallgrímsson 1, Arnþór Sævarsson 1.
Varin skot: Breki Hrafn Árnason 12.
Staðan og næstu leikir í Grill 66-deildum.
