- Auglýsing -

ÍR sótti tvö stig í Víkina

ÍR-liðið vann góðan sigur í gærkvöld. Mynd/FB-síða ÍR.

ÍR-ingar gerðu sér lítið fyrir og sóttu tvö stig í Víkina í kvöld í Grill 66-deild kvenna með öruggum sigri á liði Víkings, 30:21. ÍR var fimm mörkum yfir að loknum fyrri hálfleik, 15:10.

Þetta var fyrsti sigur ÍR í deildinni á tímabilinu en Víkingar eru enn án stiga í neðsta sæti. Sigurinn er stór áfangi fyrir hið unga ÍR-lið en um tíma í vor leit út fyrir að félagið myndi ekki senda lið til keppni í Grill 66-deildinni sökum bágs fjárhags. Hópur fólks var hinsvegar á öðru máli og ÍR sendi lið til keppni sem nú hefur unnið sinn fyrsta leik.

Mörk ÍR: Ólöf Marín Hlynsdóttir 8, Dagbjört Ýr Ólafsdóttir 4, Laufey Lára Höskuldsdóttir 4, Stefanía Ósk Hafberg 4, Anna María Aðalsteinsdóttir 3, Guðrún Maryman Rayadh 2, Jóhanna Björk Viktorsdóttir 2, Adda Sólbjört Högnadóttir 1, Fanney Ösp Finnsdóttir 1, Matthildur Lilja Jónsdóttir 1.

Mörk Víkings: Anna Þyrí Ólafsdóttir 7, Viktoría MrDonald 4, Sigurlaug Jónsdóttir 3, Ester Inga Ögmundsdóttir 2, Alana Elín Steinarsdóttir 2, Auður Brynja Sölvadóttir 2, Sandra Björk Ketilsdóttir 1.

Grótta og Afturelding áttu einnig að mætast í Grill 66-deild kvenna í gærkvöld en leiknum var seinkað til kl. 13.30 í dag. Viðureignin fer fram í Hertzhöllinni á Seltjarnarnesi.

- Auglýsing -
- Auglýsing -

Nýjustu fréttir

- Auglýsing -