Ísabell Schöbel skrifar undir nýjan samning

Ísabell Schöbel Björnsdóttir hefur framlengt samningnum sínum við handknattleiksdeild ÍR. Ísabell er efnilegur markvörður sem lék upp yngri flokka ÍR. Hún hefur leikið með öllum yngri landsliðum Íslands en meiðsli síðastliðið tímabil hélt henni lengi vel frá keppni.

„Það er gríðarlega mikilvægt að Ísabella verði áfram innan okkar raða en hún og Hildur mynda gott markvarðateymi. Hún hefur verið óheppin með meiðsli síðustu árin en ég hef fulla trú á því að Ísabell verði heil heilsu og verði liðinu afar mikilvæg,“ er haft eftir Sólveigu Láru Kjærnested þjálfara ÍR í tilkynningu handknattleiksdeildar félagsins.

ÍR vann sér í vor sæti í Olísdeild kvenna á næstu leiktíð.