Isabella Schöbel Björnsdóttir, markvörður, hefur framlengt samningnum sínum við handknattleiksdeild ÍR til ársins 2026. Hún er uppalin hjá félaginu og hefur látið vel til sín taka á sínu fyrsta ári í efstu deild. Einnig hefur hún á síðustu árum átt sæti í yngri landsliðunum.
„Það eru miklar gleðifréttir að Isabella skuli framlengja samninginn sinn við ÍR. Hún hefur sýnt það og sannað í vetur að hún er frábær markvörður í efstu deild. Það var því mikilvægt fyrir félagið að halda henni í Skógarselinu,“ er haft eftir Sólveigu Láru Kjærnested þjálfara ÍR í tilkynningu handknattleiksdeildar félagsins.
Næsti leikur Isabellu og samherja í ÍR verður við Stjörnuna í Skógarseli á llaugardaginn þegar næst síðasta umferð Olísdeildar fer fram. ÍR er í fimmta sæti deildarinnar og komst í undanúrslit Powerade-bikarsins.
Staðan og næstu leikur í Olísdeildum.
