- Auglýsing -
Örvhenti hornamaðurinn Guðjón Baldur Ómarsson hefur samið við handknattleiksdeild Selfoss til tveggja ára. Guðjón, sem er aðeins 21 árs, hefur verið fastamaður í Selfoss í nokkur ár og varð meðal annars Íslandsmeistari með liðinu árið 2019.
Guðjón Baldur er markahæsti leikmaður ungmennaliðs Selfoss sem leikur í Grill 66-deildinni með 58 mörk. Einnig hefur hann tekið þátt í tug leikja með Selfoss-liðinu í Olísdeildinni.
„Handknattleiksdeildin er gríðarlega ánægð með að Guðjón Baldur hafi framlengt samning sinn og við hlökkum til að fylgjast með honum og félögum hans spila handbolta seinna í vor,“ segir í tilkynningu frá Handknattleiksdeild Selfoss.
- Auglýsing -
