- Auglýsing -

„Íslendingar þola ekki að tapa fyrir Dönum“

Þórir Hergerisson, landsliðsþjálfari Noregs. Mynd/EPA

„Íslendingar þola ekki að tapa fyrir Dönum,“ sagði Þórir Hergeirsson, landsliðsþjálfari Noregs léttur í bragði í samtali við TV2 í Noregi eftir sigur á Dönum í gærkvöld, 29:26, í síðari vináttuleik Norðmanna og Dana í handknattleik kvenna. Mörgum kom á óvart að Þórir byrsti sig við leikmenn sína í leikhlé sem hann tók í stöðunni, 26:25, undir lok leiksins. Kom það Norðmönnum á óvart að Þórir hækkaði róminn enda ekki þekktur fyrir slíkt.


Þórir sagðist bara hafa viljað koma þeim skilaboðum til leikmanna sinn að þeir sýndu meiri yfirvegun í leik sínum, léku hraðar og væru ekki að leyfa Dönum að draga úr hraða leiksins. Það hreif.

Leikurinn var hluti af undirbúningi beggja liða fyrir Evrópumótið sem hefst á Jótlandi í næstu viku. Lokatölur voru 29:26 fyrir Noreg, eins og fyrr sagði. Norska liðið var einnig þremur mörkum yfir í hálfleik, 17:14. Leikið var í Vejle.


Norska liðið var sterkara allan leikinn í gær, ólíkt viðureigninni í fyrrakvöld þegar Danir voru voru lengst af betri. Danir komust einu sinni yfir í síðari hálfleik, 23:22.


Camilla Herrem var markahæst annan leikinn í röð fyrir norska liðið. Hún skoraði sjö mörk að þessu sinni. Kathrine Heindahl og Kristina Jørgensen skoruðu fjögur mörk hvor fyrir Dani.

- Auglýsing -
- Auglýsing -

Nýjustu fréttir

- Auglýsing -