- Auglýsing -
Handknattleiksmaðurinn efnilegi hjá ÍBV, Ívar Bessi Viðarsson, leikur væntanlega ekki fleiri leiki með Eyjaliðinu á keppnistímabilinu. Ívar Bessi meiddist á upphafsmínútum viðureignar ÍBV og Hauka í undanúrslitum Powerade-bikarsins í Laugardalshöll á miðvikudagskvöld. Hann reyndi að þrauka um stund áfram í leiknum en varð að draga sig í hlé.
Í ljós kom að Ívar Bessi er fótbrotinn, eftir því sem mbl.is greindi frá í gær. Hans var sárt saknað í bikarúrslitaleik Vals og ÍBV.
Ívar Bessi, sem einnig hefur leikið með yngri landsliðunum, hefur ekki hvað síst verið öflugur sem fremstur í hinni 5/1 vörn í vetur. Þetta varnarafbrigði hefur nánast verið vörumerki ÍBV-liðsins um langt árabil og reynst andstæðingum einstaklega skeinuhætt.
- Auglýsing -
