FH-ingurinn Jakob Martin Ásgeirsson var úrskurðaður í eins leiks bann á fundi aganefndar HSÍ í gær. Hann hlaut útilokun með skýrslu vegna sérstaklegrar hættulegrar aðgerðar í leik Hauka og FH í átta liða úrslitum Powerade-bikarnum á mánudagskvöldið.
„Dómarar meta að brotið falli undir reglu 8:6 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann,“ segir í úrskurði aganefndar.
Jakob Martin tekur út bannið í næsta leik FH í Olísdeildinni, 24. febrúar gegn HK.
Daniel Esteves Vieira leikmaður ÍBV sem hlaut útilokun í viðureign ÍBV og Aftureldingar í átta liða úrslitum Powerade-bikarsins á sunnudaginn slapp við leikbann.
Sömu sögu er að segja af Aþenu Einarsdóttur leikmanni KA/Þórs sem fékk rautt spjald með útilokun í leik ÍR og KA/Þórs í Olísdeild kvenna á laugardaginn. Aþena og Daniel eru áminnt um stighækkandi áhrifum útlokana vegna grófra leikbrota.
Hér fyrir neðan er hægt að nálgast úrskurð aganefndar HSÍ 13. febrúar 2024.
