- Auglýsing -
FH-ingar gera sér góðar vonir um að sænski leikstjórnandinn Zandra Jarvin verði klár í slaginn þegar Hafnarfjarðarliðin, FH og Haukar, leiða saman hesta sína í Olísdeild kvenna í Schenkerhöllinni á Ásvöllum á laugardaginn.
Þetta kemur fram á Vísi í dag í samtali við Ásgeir Jónsson, formann handknattleiksdeildar FH.
Jarvin kom til landsins í ágúst en lá kylliflöt í flensu dagana eftir komuna. Hún er óðum að sækja í sig veðrið. Nú er beðið eftir leikheimild. Vonir standa til að hún verði í höfn fyrir helgina.
Leikir í annarri umferð Olísdeildar kvenna:
Föstudagur:
Origohöllin: Valur – Fram, kl. 20
Laugardagur:
KA-heimilið: KA/Þór – Stjarnan, kl. 14.30
Schenkerhöllin: Haukar – FH, kl. 15
Kórinn:HK – ÍBV, kl. 15.30
- Auglýsing -
