- Auglýsing -

Jóhanna Margrét er orðin samherji Aldísar og Ásdísar

Jóhanna Margrét Sigurðardóttir hefur gengið til liðs við Skara HF. Mynd/Skara HF

Handknattleikskonan Jóhanna Margrét Sigurðardóttir hefur söðlað um og gengið til liðs við Skara HF og verður þar með þriðji Íslendingurinn í herbúðum liðsins.

Jóhanna Margrét gekk til liðs við Önnereds frá HK í sumar en festi ekki rætur og fékk ekki næg tækifæri á leikvellinum. Enda er haft eftir Jóhönnu Margréti á heimasíðu Skara að hún hafi komið til Svíþjóðar til þess að leika handknattleik.


Jóhanna Margrét hefur skrifað undir tveggja ára samning við Skara HF sem hefur unnið einn leik og tapað tveimur til þessa í sænsku úrvalsdeildinni.


Akureyringarnir Aldís Ásta Heimisdóttir og Ásdís Guðmundsdóttir gengu til liðs við Skara HF í sumar en félagið er með bækistöðvar í samnefndum bæ vestur af Skövde á vestur Gautlandi. Hermt er að þær hafi haft hönd í bagga við komu Jóhönnu Margrétar til Skara HF.


Reikna má með að Jóhanna Margrét verði í leikmannahópi Skara HF strax á laugardaginn þegar liðið mætir H65 Höör í 4. umferð sænsku úrvalsdeildarinnar.


Frá þessu er sagt á heimasíðu Skara HF í kvöld.

- Auglýsing -
- Auglýsing -

Nýjustu fréttir

- Auglýsing -