Jokanovic framlengir dvölina í Vestmannaeyjum

Handknattleiksmarkvörður Íslandsmeistaranna, Petar Jokanovic, hefur skrifað undir nýjan tvegga ára samning við ÍBV. Jokanovic gekk til liðs við ÍBV árið 2019 og er að verða einn af reyndari leikmönnum liðsins sem mætir FH í undanúrslitum Olísdeildar. Fyrsta viðureign liðanna verður í Kaplakrika á sunnudaginn klukkan 17.

Auk þess að verða Íslandsmeistari með ÍBV á síðasta ári varð Jokanovic bikarmeistari með ÍBV 2020 og hlaut silfurverðlaun í bikarkeppninni 2024 og silfur á Íslandsmótinu vorið 2022.

Jokanovic var með 32,4% hlutfallsmarkvörslu í Olísdeildinni í vetur samkvæmt tölfræðiveitunni HBStatz.