Jónatan Þór er ákveðinn í hætta með KA

Þjálfari karlaliðs KA, Jónatan Þór Magnússon, hefur ákveðið að hætta þjálfun liðsins í lok leiktíðar í vor. Akureyri.net segir frá þessu í dag samkvæmt heimildum. Þar segir ennfremur að Jónatan Þór hafi tilkynnt stjórn handknattleiksdeildar KA að hann ætli ekki að framlengja samning sinn.

Hefur Jónatan Þór ennfremur sagt leikmönnum KA frá ákvörðun sinni.

Jónatan Þór er á sínu fjórða keppnistímabili með karlalið KA en undir hans stjórn lék liðið til úrslita í bikarkeppni HSÍ á síðasta keppnistímabili. Áður var Jónatan Þór þjálfari kvennaliðs KA/Þórs og enn lengra aftur var hann leikmaður KA.

Frétt Akureyri.net.