Júlíus Flosason hefur samið við Olísdeildarlið HK að nýju til tveggja ára. Júlíus spilaði upp alla yngri flokka HK og er einn af mikilvægustu leikmönnum liðsins en hann spilar í vinstri skyttustöðu.
Júlíus hefur komið sterkur inn í vetur og er einn af öflugustu sóknarmönnum liðsins. Hann var óheppinn að meiðast snemma á þessu tímabili en hefur komið sem vítamínsprauta inn í sóknarleik liðsins eftir áramót, segir í tilkynningu HK.
Júlíus hefur skoraði 32 mörk í átta leikjum í Olísdeildinni á tímabilinu en eins og fram kemur að framan var hann frá keppni í talsverðan tíma vegna meiðsla.
HK berst fyrir veru sinni í Olísdeild. Þegar fjórar umferðir eru eftir situr HK-liðið í næsta neðsta sæti Olísdeildar með níu stig. HK tekur á móti Fram í Kórnum föstudaginn 22. mars í 19. umferð.
Staðan og næstu leikir í Olísdeildum.
