KA/Þór hefur áfram yfirburðastöðu í efsta sæti Grill 66-deild kvenna í handknattleik. Liðið hefur aðeins tapað einu stigi í 12 leikjum og hefur sex stiga forskot á liðin í öðru og þriðja sæti, Aftureldingu og HK. KA/Þór vann Val2 í gær, 27:25, í N1-höllinni á Hlíðarenda. Valur var tveimur mörkum yfir í hálfleik, 13:11.
KA/Þór skoraði þrjú fyrstu mörk síðari hálfleiks, náði forskoti um skamman tíma uns Valur komst yfir um stund á ný, 17:16 og 18:17. Eftir að Kristín A. Jóhannsdóttir kom KA/Þór yfir, 19:18, sautján mínútum fyrir leikslok lét liðið ekki forystuna af hendi og var mest fjórum mörkum yfir.
Staðan og næstu leikir í Grill 66-deildum.
Mörk Vals2: Ásthildur Jóna Þórhallsdóttir 7, Arna Karitas Eiríksdóttir 6, Ásrún Inga Arnarsdóttir 4, Guðrún Hekla Traustadóttir 4, Laufey Helga Óskarsdóttir 2, Sara Lind Fróðadóttir 2.
Varin skot: Silja Müller 12, Arna Sif Jónsdóttir 1.
Mörk KA/Þórs: Susanne Denise Pettersen 7, Anna Þyrí Halldórsdóttir 5, Tinna Valgerður Gísladóttir 5, Bergrós Ásta Guðmundsdóttir 3, Elsa Björg Guðmundsdóttir 2, Kristín A. Jóhannsdóttir 2, Lydía Gunnþórsdóttir 2, Aþena Einvarðsdóttir 1.
Varin skot: Matea Lonac 16.
