- Auglýsing -
Ekkert verður af leik HK og KA/Þórs í Olísdeild kvenna í handknattleik sem fram átti að fara í Kórnum í kvöld. Eftir því sem handbolti.is kemst næst er lið KA/Þórs í Staðarskála í Hrútafirði og fer ekki lengra. Holtavörðuheiði er ófær vegna veðurs og ófærðar.
Kolvitlaust veður er nyrðra og einnig á vesturhluta landsins með blindhríð og ofankomu.
Andri Snær Stefánsson, þjálfari KA/Þórs, staðfesti við handbolta.is fyrir stundu að lengra færi liðið ekki að þessu sinni og hugað væri að því að snúa við til Akureyrar ef veður leyfir.
- Auglýsing -
