„Hamza hefur leikið með okkur fjóra hálfleika og verið algjörlega frábær í þremum,“ sagði Jón Gunnlaugur Viggósson, þjálfari karlaliðs Víkings, spurður um fransk/túníska handknattleiksmanninn Hamza Kablouti sem Víkingur fékk að láni frá Aftureldingu á dögunum.
Kablouti hefur skorað 16 mörk í tveimur fyrstu leikjum sínum með Víkingi úr 38 skotum eftir hafa skorað 12 sinnum fyrir Aftureldingu í sjö leikjum. Þar að auki hefur Kablouti skapað þrjú marktækifæri og auk þess stolið boltanum tvisvar sinnum í leikjunum tveimur með Víkingi.
„Kablouti er mikill fengur fyrir okkur. Það var ekki sjálfsagt fyrir hann eftir að hafa lent í mótlæti annarstaðar að koma hingað til okkar og verða strax mikill liðsauki. Það er ekki hægt að ganga að því sem vísu að menn skipti um lið, sanni sig annarstaðar og verði strax liðsmaður. Fleiri atriði spila þar inni. Ég er mjög ánægður með hann,“ sagði Jón Gunnlaugur sem var afar himinsæll með allt sitt lið eftir sigurinn á HK í gær.
