Katla María Magnúsdóttir, leikmaður Selfoss, og ÍR-ingurinn Hrannar Ingi Jóhannsson hlutu tvennar viðurkenningar hvort þegar Grill 66-deildirnar voru gerðar upp í uppskeruhófi HSÍ sem haldið var í hádeginu í dag.
Katla María var valin besti leikmaður og sóknarmaður Grill 66-deildar. Hrannar Ingi fékk eins viðurkenningar fyrir þátttöku sína með ÍR á nýliðinni leiktíð.
Þjálfarar liðanna sem fóru rakleitt upp úr deildinni, Eyþór Lárusson þjálfari kvennaliðs Selfoss, og Bjarni Fritzson þjálfari karlaliðs ÍR hrepptu nafnbótina þjálfarar ársins.
Verðlaunahafar
Grill 66-deild kvenna:
Þjálfari ársins: Eyþór Lárusson, Selfossi.
Besti leikmaður: Katla María Magnúsdóttir, Selfossi.
Besti sóknarmaður: Katla María Magnúsdóttir, Selfossi.
Besti varnarmaður: Ída Margrét Stefánsdóttir, Gróttu.
Efnilegasti leikmaður: Katrín Anna Ásmundsdóttir, Gróttu.
Besti markvörður: Ingunn María Brynjarsdóttir, Fram U.
Grill 66-deild karla:
Þjálfari ársins: Bjarni Fritzson, ÍR
Besti leikmaður: Hrannar Ingi Jóhannsson, ÍR.
Besti sóknarmaður: Hrannar Ingi Jóhannsson, ÍR.
Besti varnarmaður: Brynjar Hólm Grétarsson, Þór.
Efnilegasti leikmaður: Marel Baldvinsson, Fram U.
Besti markvörður: Jonas Maier, Herði.
