Keppnisskap og ákefð er í mönnum

„Ég er spenntur eftir góða æfingadaga. Það er keppnisskap og ákefð í mönnum,“ segir Viktor Gísli Hallgrímsson landsliðsmarkvörður sem verður í eldlínunni með íslenska landsliðinu í upphafsleik liðsins á heimsmeistaramótinu í handknattleik. Íslenska liðið mætir þá landsliði Grænhöfðaeyja í Zagreb Arena klukkan 19.30.

Viktor Gísli segir aðeins frá undirbúningi fyrir leikinn og er m.a. ánægður með að landsliðið hafi fengið á ný þjálfara sem vinnur með markvörðunum, Roland Eradze. Viktor Gísli og Roland þekkjast ágætlega þótt þeir hafi ekki unnið saman síðan 2015.

Rætt við Viktor Gísla á myndskeiði hér fyrir neðan.