- Auglýsing -
Selfyssingurinn Katla María Magnúsdóttir, sem síðustu ár hefur leikið með Stjörnunni, hefur samið við handknattleiksdeild Selfoss til þriggja ára.
Katla María lék með Selfoss-liðinu á árunum 2017-2020 áður en hún fór í Stjörnuna. Katla, sem er 21 árs gömul, er rétthent skytta og er öflug jafnt í vörn sem sókn.
„Það er gríðarlega ánægjulegt að Katla skuli snúa til baka í heimahagana og verður gaman að fylgjast með stelpunum í Olísdeildinni í vetur,“ segir í tilkynningu frá handknattleiksdeild Selfoss þar sem ennfremur kemur fram að fleiri leikmenn séu væntanlegir til félagsins á næstunni.
Selfoss vann í vor sæti í Olísdeild kvenna eftir fjögurra ára veru í Grill66-deildinni.
- Auglýsing -
