Króatíska landsliðið í handknattleik, sem lék til úrslita á EM fyrir tveimur árum, varð fyrir áfalli í gær þegar í ljós kom að Domagoj Duvnjak, fyrirliði, og leikstjórnandinn Luka Cindric taka ekki þátt í fyrstu leikjum liðsins á Evrópumótinu. Báðir eru þeir enn smitandi af covid og fengu jákvæða niðurstöðu úr sýnatöku í gærdag.
Ákvörðun var þar með tekin um að þeir félagar verði áfram heima í Osijek Króatíu þar sem landsliðið hefur verið við æfingar. Stefnt er að því að þeir komi til móts við landsliðið þegar þeir hafa fengið neikvæða niðurstöðu úr sýnatöku. Ljóst er að þeir verða örugglega ekki með í leik Króata og Frakka á fimmtudaginn í Szeged og varla með í leiknum við Serba á laugardaginn.
Til þess að þeir verði gjaldgengir á EM verða þeir að vera neikvæðir í tveimur PCR-prófum í röð með eins dags millibili.
Tomislav Kukin, læknir króatíska landsliðsins, staðfesti við Sportnet að allir aðrir í króatíska hópnum hafi fengið neikvæða niðurstöðu í skimunum og séu þar með tilbúnir til fararinnar til Ungverjalands.
- Alfreð gantast: „Gæti þurft að svipta hann bandinu“
- Molakaffi: Einar, Sveinn
- Olís karla: Leikjadagskrá, úrslitakeppni 2026
- Oddaleikur í undanúrslitum eftir naumt tap
- Birgir Steinn og samherjar eru fallnir úr leik
