- Auglýsing -
Íslenska landsliðið kom til Innsbruck í Austurríki um miðjan dag eftir ferðalag frá Schaffhausen í Sviss. Farið var á æfingu síðdegis þar sem strengir eftir ferðalagið voru liðkaðir og línur lagðar fyrir þátttökuna á Evrópumótinu sem hefst á föstudaginn.
Rífandi góður andi er í íslenska hópnum eftir fína daga í Schaffhausen. Allir leikmenn eru klárir í slaginn. Fyrsta viðureignin verður á föstudaginn gegn Hollendingum. Einnig er íslenska landsliðið í riðli með Úkraínu og Þýskalandi.
Leikir Íslands í F-riðli EM kvenna 2024:
29. nóvember: Ísland - Holland, kl. 17.
1. desember: Ísland - Úkraína, kl. 19.30.
3. desember: Ísland - Þýskaland, kl. 19.30.
- Handbolti.is verður vitanlega á EM, án ríkisaðstoðar, og fer utan með blaðamann og ljósmyndara sem fylgja landsliðinu eftir meðan það stendur í ströngu. Handbolti.is kemur til móts við landsliðið í Innsbruck á morgun, miðvikudag.
A-landslið kvenna – fréttasíða.
- Auglýsing -
