- Auglýsing -
- Auglýsing -
- Auglýsing -
- Auglýsing -

Landsliðskona flytur heim og gengur til liðs við ÍR

Katrín Tinna Jensdóttir, nýr leikmaður ÍR. Mynd/ÍR
- Auglýsing -

Landsliðskonan Katrín Tinna Jensdóttir er hætt hjá sænska úrvalsdeildarliðinu Skara HF og flutt heim og hefur samið við Olísdeildarlið ÍR. Samningur hennar við nýliða Olísdeildarinnar gildir til ársins 2026.

Katrín Tinna var í eldlínunni með íslenska landsliðinu á HM í desember. Hún hefur nú þegar hafið æfingar með liðinu og er klár í slaginn sem framundan er.

Hún spilar í stöðu línumanns og er afar öflugur varnarmaður.

Sumarið 2021 gekk Katrín Tinna til liðs við Volda í Noregi en flutti frá liðinu til Skara í Svíþjóð í sumar.

„Ég er virkilega glöð að við höfum náð að klófesta Katrínu Tinnu enda frábær leikmaður á báðum endum vallarins. Hún mun styrkja hópinn okkar og auka breiddina fyrir komandi átök. Koma hennar undirstrikar einnig stefnu félagsins að festa okkur í sessi í Olís deild kvenna á næstu árum,“ segir Sólveig Lára Kjærnested þjálfari ÍR í tilkynningu frá handknattleiksdeild félagsins.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -