- Auglýsing -
Þrír leikir fara fram í áttundu umferð Olísdeildar karla í handknattleik í kvöld. Þeir hefjast allir klukkan 19.30. Hæst ber eflaust viðureign Vals og Hauka. Aðeins munar tveimur stigum á liðunum, Val í vil. Haukar hafa unnið fjóra leiki í röð. Valur tapaði sínum fyrsta leik á sunnudaginn eftir sex sigurleiki í röð.
Einnig eigast við Afturelding og Grótta að Varmá og Fram og HK í Úlfarsárdal.
Staðan og næstu leikir í Olísdeildum.
Handbolti.is hefur auga á leikjunum þremur og uppfærir stöðuna í þeim með reglubundnum hætti í textalýsingu hér fyrir neðan.
- Auglýsing -
