Íslandsmeistarar Vals eru komnir með bakið upp að vegg í úrslitakeppni Olísdeildar karla í handknattleik eftir tap fyrir Haukum í Origohöllinni í dag, 24:22. Sömu sögu má segja um leikmenn Fram sem biðu lægri hlut fyrir Aftureldingu, 33:30, í Úlfarsárdal. Grípa varð til þess ráðs að framlengja leikinn af því að staðan var jöfn að loknum hefðbundnum 60 mínútna leiktíma, 27:27.
Vegna þess að jafntefli eru ekki tekin góð og gild í úrslitkeppninni var leikurinn framlengdur um tvisvar sinnum fimm mínútur.
Næst mætast Haukar og Valur á Ásvöllum á miðvikudagskvöld klukkan 19.30. Afturelding og Fram mætast á sama tíma á Varmá í Mosfellsbæ. Vinni Haukar og Afturelding næstu leiki taka liðin sæti í undanúrslitum. Komi til oddaleikja er stefnt að þeim á laugardag.
Valur – Haukar 22:24 (12:12).
Mörk Vals: Agnar Smári Jónsson 5, Tjörvi Týr Gíslason 4, Vignir Stefánsson 4, Finnur Ingi Stefánsson 3, Aron Dagur Pálsson 2, Arnór Snær Óskarsson 2/1, Magnús Óli Magnússon 2.
Varin skot: Björgvin Páll Gústavsson 17, 42,5%.
Mörk Hauka: Guðmundur Bragi Ástþórsson 6/5, Stefán Rafn Sigurmannsson 4, Andri Már Rúnarsson 3, Ólafur Ægir Ólafsson 3, Brynjólfur Snær Brynjólfsson 2, Þráinn Orri Jónsson 2, Adam Haukur Baumruk 1, Geir Guðmundsson 1, Tjörvi Þorgeirsson 1.
Varin skot: Aron Rafn Eðvarðsson 12/1, 35,3%.
Fram – Afturelding 30:33 (27:27, 12:13).
Mörk Fram: Þorsteinn Gauti Hjálmarsson 6/3, Stefán Orri Arnalds 5, Kjartan Þór Júlíusson 4, Reynir Þór Stefánsson 3, Ívar Logi Styrmisson 3, Luka Vukicevic 2, Ólafur Brim Stefánsson 2, Stefán Darri Þórsson 2, Þorvaldur Tryggvason 1, Breki Dagsson 1, Marko Coric 1.
Varin skot: Breki Hrafn Árnason 15/2, 32,6%.
Mörk Aftureldingar: Þorsteinn Leó Gunnarsson 9, Birkir Benediktsson 7, Einar Ingi Hrafnsson 5, Ihor Kopyshynskyi 5, Árni Bragi Eyjólfsson 4/1, Blær Hinriksson 2, Stefán Magni Hjartarson 1.
Varin skot: Jovan Kukobat 5/2, 17,9% – Brynjar Vignir Sigurjónsson 4, 40%.
Handbolti.is fylgdist með leikjum dagsins á leikjavakt.
