Leiknum í KA-heimilinu frestað

Ekkert verður af því að KA/Þór og ÍBV mætist í Olísdeild kvenna í KA-heimilinu í kvöld eins og til stóð. Vegna veðurs kemst ÍBV ekki til Akureyrar. Í tilkynningu frá mótastjóra HSÍ kemur ekki fram hvenær þess verður freistað að koma leiknum á dagskrá.

Vegna frestunarinnar á leiknum á Akureyri fer aðeins einn leikur fram í 15. umferð Olísdeild kvenna í dag. ÍR tekur á móti Aftureldingu í Skógarseli klukkan 17.

Staðan og næstu leikir í Olísdeildum.