Hvorki gengur né rekur hjá leikmönnum liðs Kórdrengja að krækja í fyrsta sigurinn í Grill 66-deild karla á þessari leiktíð. Í dag töpuðu Kórdrengir 11. leiknum í röð í deildinni þegar þeir mættu ungmennaliði Hauka á heimavelli beggja liða, Ásvöllum í Hafnarfirði. Lokatölur voru, 38:25, fyrir Hauka sem voru sex mörkum yfir þegar fyrri hálfleikur var að baki, 17:11.
Ungmennalið Hauka er á góðu róli um miðja deildina með 11 stig eftir 12 leiki og komust upp fyrir Fjölni með sigrinum í dag. Fjölnir er með 10 stig í sjötta sæti.
Mörk Kórdrengja: Egidijus Mikalonis 10, Hrannar Máni Gestsson 3, Logi Aronsson 3, Tómas Helgi Wehmeier 3, Jónas Eyjólfur Jónasson 2, Gunnar Valur Arason 2, Sigurður Karel Bachmann 1, Arne Karl Wehmeier 1.
Varin skot: Birkir Fannar Bragason 13.
Mörk Hauka U.: Össur Haraldsson 5, Kristófer Máni Jónasson 5, Birkir Snær Steinsson 5, Ágúst Ingi Óskarsson 5, Gísli Rúnar Jóhannsson 4, Þorfinnur Máni Björnsson 3, Alex Már Júlíusson 2, Jakob Aronsson 2, Páll Þór Kolbeins 2, Ásgeir Bragi Þórðarson 1, Lárus Þór Björgvinsson 1, Steinar Logi Jónatansson 1, Szymon Kowal 1, Þórarinn Þórarinsson 1.
Varin skot: Magnús Gunnar Karlsson 12, Steinar Logi Jónatansson 1.
Staðan og næstu leikur í Grill 66-deildum.
