Lið Íslendinganna flugu áfram í Þýskalandi

Gummersbach er komið áfram í aðra umferð þýsku bikarkeppninnar í handknattleik eftir sex marka sigur Konstanz, 35:29, á útivelli í kvöld. Konstanz er í annarri deild en Gummersbach tekur sæti í 1. deild við upphaf leiktíðar um næstu helgi.

Eyjamaðurinn Elliði Snær Viðarsson skoraði tvö af mörkum Gummersbach í leiknum í kvöld. Hákon Daði Styrmisson var fjarri góðu gamni vegna meiðsla en hann mun vera á góðum batavegi eftir að hafa slitið ksossband undir lok síðasta árs. Guðjón Valur Sigurðsson er þjálfari Gummersbach.

Tumi Steinn Rúnarsson skoraði ekki mark þegar lið hans, Coburg, vann TuS 04 KL-Dansenberg, 28:22, á útivelli í bikarkeppninni í Þýskalandi í kvöld enda var hann ekki í leikmannahópi liðsins að þessu sinni. Ástæðan fyrir fjarveru Tuma Steins er sú að hann meiddist á læri fyrir um þremur vikum.