- Auglýsing -
Ljóst er að eitt lið úr næst efstu deild þýska handknattleiksins taki þátt í undanúrslitum bikarkeppninnar í karlaflokki, úrslithelgina 12. og 13. apríl í Lanxess-Arena í Köln á næsta ári. Eftir að 16-liða úrslitum lauk í gærkvöld var ekki hikað við að draga í átta liða úrslit keppninnar sem leikin verða 18. og 19. desember. Tvö lið úr næst efstu deild, HBW Balingen-Weilstetten og HSC 2000 Coburg eru í átta liða úrslitum og fór svo að þau drógust saman.
Leikir átta liða úrslita:
MT Melsungen – SG Flensburg-Handewitt
Rhein-Neckar Löwen – ThSV Eisenach.
HSC 2000 Coburg – HBW Balingen-Weilstetten.
THW Kiel – VfL Gummersbach.
- Arnar Freyr Arnarsson og Elvar Örn Jónsson leika með MT Melsungen.
- Arnór Snær Óskarsson leikur með Rhein-Neckar Löwen.
- Daníel Þór Ingason leikur með HBW Balingen-Weilstetten.
- Elliði Snær Viðarsson og Teitur Örn Einarsson leika með VfL Gummersbach og Guðjón Valur Sigurðsson þjálfar liðið.
- Bikarmeistarar 2024, SC Magdeburg, féllu úr leik í 16-liða úrslitum með naumu tapi fyrir THW Kiel.
- Auglýsing -
