- Auglýsing -
- Auglýsing -
- Auglýsing -

Lífsnauðsynlegur sigur fyrir okkur í baráttunni

Helena Rut Örvarsdóttir leikmaður Stjörnunnar. Mynd/Hafliði Breiðfjörð
- Auglýsing -

„Þetta var lífsnauðsynlegur sigur og frábært að hafa klárað leikinn á jafn sannfærandi hátt og raun bar vitni um,“ sagði Helena Rut Örvarsdóttir stórskytta Stjörnunnar glöð á brá og brún þegar handbolti.is hitti hana að máli eftir sigur Stjörnunnar á Aftureldingu, 32:20, í baráttunni um sjötta sætið eftirsótta í Olísdeild kvenna. Með sigrinum höfðu Stjarnan og Afturelding sætaskipti. Stjarnan komst í sjötta sæti en Afturelding féll niður í sjöunda sætið.

„Við vorum mjög ákveðnar frá upphafi og voru með yfirhöndina frá upphafi,“ sagði Helena sem skoraði sjö mörk og var markahæst ásamt Emblu Steindórsdóttur.

Helena sagði að Stjarnan hafi brotið blað í leiknum með því að leika af krafti frá upphafi til enda. „Við höfum átt það til að leika vel í 40 mínútur í mörgum leikja okkar í vetur og missa síðan niður dampinn síðustu 20 mínúturnar. Nú skiptum við í næsta gír fyrir ofan síðustu tuttugu og vorum svolítið svalar, spiluðum boltanum og fórum ekkert í hnoð. Aftureldingarliðið lék vörnina mjög framarlega í síðari hálfleik. Okkur tókst að leysa þá vörn Afureldingar, spóluðum okkur í gegn. Til viðbótar vorum við sterkar í vörninni og Darija mjög góð í markinu. Þetta skipti miklu máli,“ sagði Helena Rut.

Ein veik og önnur meiddist

Anna Karen Hansdóttir veiktist og gat ekki verið með að þessu sinni. Ivana Jorna Meincke meiddist snemma leiks og kom ekkert meira við sögu. „Allar stelpurnar sem tóku þátt lögðu sitt að mörkum sem var gríðarlega gott og mikilvægt. Þetta var liðsheildarsigur hjá okkur,“ sagði Helena Rut Örvarsdóttir leikmaður Stjörnunnar í samtali við handbolta.is að Varmá í kvöld.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -