- Auglýsing -
- Auglýsing -
- Auglýsing -

Línumaðurinn efnilegi heldur sig áfram á heimaslóðum

Haddur J. Stefánsson, formaður handknattleiksdeildar KA og Jens Bragi Bergþórsson. Mynd/KA
- Auglýsing -

Jens Bragi Bergþórsson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2025-2026. Jens Bragi verður 18 ára í sumar. Hann hefur verið í vaxandi hlutverki í meistaraflokksliði KA.

Jens Bragi hefur vakið verðskuldaða athygli fyrir framgöngu sína á línunni, jafnt með KA og U17 ára landsliðinu á síðasta sumri. Hann lék 26 leiki á nýliðnum vetri þar sem hann gerði 42 mörk og var skotnýting hans 74%.

Jens Bragi er hluti af hinum sterka 2006 árgangi hjá félaginu en strákarnir töpuðu ekki leik í öllum fjórða flokki þar sem þeir hömpuðu öllum þeim titlum sem í boði voru á Íslandi áður en þeir urðu Partille Cup meistarar en þar lögðu þeir nokkur af sterkustu liðum Norðurlandanna.

Áður hafa Dagur Árni Heimisson og Magnús Dagur Jónatansson, sem eru á svipuðu reki og Jens Bragi, skrifað undir nýja samninga.

„Frammistaða Jens á nýliðinni leiktíð sýnir skýrt að hann á svo sannarlega framtíðina fyrir sér og verður afar gaman að fylgjast með honum áfram stíga skref fram á við í meistaraflokksliði KA í efstu deild á næstu leiktíð,“ segir m.a. í tilkynningu handknattleiksdeildar KA.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -