- Auglýsing -
Göppingen staðfesti í gær að landsliðsmaðurinn Janus Daði Smárason yfirgefi félagið næsta sumar. Í hans stað hefur verið samið við Slóvenann, Jaka Malu um að taka við keflinu af Selfyssingnum. Malu, sem er 25 ára gamall og leikur nú með Meshkov Brest í Hvíta-Rússlandi.
Ekki er greint frá því hvert hugur Janusar Daða leitar en hann hefur þráfaldlega verið orðaður við norska liðið Kolstad. Forvígismenn Þrándheimsliðsins hafa uppi háleit markmið eins og komið hefur m.a. fram í fréttum handbolta.is í síðustu vikur. Sigvaldi Björn Guðjónsson hornamaður Vive Kielce í Pólland er annar íslenskur landsliðsmaður sem hefur verið orðaður við Kolstad.
Alltént virðist ljóst að Janus Daði rær á ný mið á næsta sumri eins og greint er frá í þessari frétt handball-world.
- Auglýsing -
