- Auglýsing -

Losna senn úr sóttkví

Guðmundur Þórður Guðmundsson, þjálfari MT Melsungen. Mynd/MT Melsungen

Guðmundur Þórður Guðmundsson, landsliðsþjálfari í handknattleik, og þjálfari þýska liðsins MT Melsungen losnar úr 14 daga sóttkví frá og með morgundeginum. Sama á við alla hans leikmenn, þar á meðal íslenska landsliðsmanninn Arnar Frey Arnarsson.

Smit kom upp í herbúðum MT Melsungen hjá þýska landsliðsmanninum Finn Lemke eftir að hann sneri til baka eftir að hafa tekið þátt í tveimur leikjum með landsliðinu í undankeppni Evrópumótsins í fyrri hluta mánaðarins.

Til stendur að MT Melsungen fái lið Bergischer HC í heimsókn á fimmtudagskvöld en með liðinu leika Arnór Þór Gunnarsson og Ragnar Jóhannsson. Guðmundur Þórður sagði í skilaboðum til handbolta.is um hádegisbil að vonir standi til að leikurinn færist yfir á helgina. Það hefur þó alls ekki verið staðfest.

Arnar Freyr Arnarsson. leikmaður Melsungen að snúa af sér varnarmenn GWD Minden. Mynd/MT Melsungen
- Auglýsing -
- Auglýsing -

Nýjustu fréttir

- Auglýsing -