- Auglýsing -
Lovísa Thompson tapaði sínum fyrsta leik með Ringkøbing Håndbold í dönsku úrvalsdeildinni í kvöld þegar liðið tók á móti Aarhus United, lokatölur 30:26. Árósarliðið var marki yfir í hálfleik, 12:11.
Lovísa, sem gekk til liðs við Ringkøbing í sumar, skoraði eitt mark og átti eina stoðsendingu í leiknum. Elín Jóna Þorsteinsdóttir, landsliðsmarkvörður, er meidd og verður ekki með Ringkøbing fyrr en eftir áramótin.
Steinunn Hansdóttir skoraði tvö mörk í 12 marka tapi liðs hennar, Skanderborg Håndbold, á heimavelli fyrir Nykøbing Falster, 38:26. Annika Friðheim Petersen, fyrrverandi markvörður Hauka, stóð í marki Nykøbing Falster í stutta stund og varði eitt skot.
Úrslit í 1. umferð dönsku úrvalsdeildar kvenna í kvöld og í gærkvöld:
København – Horsens 29:24.
Randers – Herning-Ikast 27:26.
Skanderborg – Nykøbing Falster 26:38.
Viborg – Odense Håndbold 21:36.
Ringkøbing Håndbold – Aarhus United 26:30.
Esbjerg – Ajax 15:19.
Silkeborg – SønderjyskE 31:23.
- Auglýsing -
