- Auglýsing -
- Auglýsing -
- Auglýsing -

Mariam semur við Val til næstu þriggja ára

Mariam Eradze fagnar. Hún framlengt samning sinn við Val til ársins 2027. Mynd/Valur
- Auglýsing -

Mariam Eradze hefur framlengt samning sinn við handknattleiksdeild Vals til árins 2027. Hún mætir þar með ótrauð til leiks í haust með Valsliðinu eftir árs fjarveru. Mariam sleit krossband í leik á æfingamóti á Selfossi rétt áður en Íslandsmótið hófst. Mariam hefur gengið allt í haginn í endurhæfingu undanfarna mánuði.

Mariam var einn af lykilleikmönnum liðsins á síðasta tímabili þegar liðið landaði Íslandsmeistaratitlinum eftirminnilega í Vestmannaeyjum og fór taplaust í gegnum úrslitakeppnina.

„Mariam er klassa leikmaður. Hún er sterk beggja megin á vellinum og góð í hóp. Þess vegna er ég mjög sáttur með að hún verði áfram hjá okkur næstu árin. Hún hefur lagt mikið á sig eftir meiðslin, æfir vel og á eftir að koma öflug til baka,“ er haft eftir Ágústi Þór Jóhannssyni hinum sigursæla þjálfara Vals í tilkynningu handknattleiksdeildar.

Mariam gekk til liðs við Val 2020 eftir nokkurra ára veru í Frakklandi. Hún lék upp yngri flokka með Fram. Mariam er dóttir Rolands Eradze markvarðar og handknattleiksþjálfara og blakkonunnar Natalia Ravva.

Staðan og næstu leikur í Olísdeildum

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -