- Auglýsing -

Markakóngurinn heldur uppteknum hætti

Bjarki Már Elísson, leikmaður Lemgo. Mynd/Lemgo Lippe

Bjarki Már Elísson hefur svo sannarlega tekið upp þráðinn þar sem frá var horfið þegar keppni í þýsku 1. deildinni í handknattleik var slaufað í vor. Hann var þá markhæsti leikmaður deildarinnar og eftir þrjár umferðir á einni viku í upphafi deildarkeppninnar nú hefur hann skoraði samtals 21 mark.

Bjarki Már skoraði sjö mörk, þar af tvö úr vítakasti í kvöld, þegar lið hans Lemgo vann Ludwigshafen, 24:22, á heimavelli. Hann var markahæsti leikmaður liðsins nú í kvöld eins og í tveimur fyrstu leikjum þess á leiktíðinni. Lemgo er þar með komið með fjögur stig, tvo sigurleiki og eitt tap, í þremur leikjum.

Ómar Ingi Magnússon lét heldur betur til sín taka í kvöld. Hann skoraði níu mörk, þar af átta úr vítaköstum, þegar SC Magdeburg vann öruggan sigur á Göppingen, 28:22, á heimavelli. Gísli Þorgeir Kristjánsson skoraði eitt mark fyrir Magdeburg og Janus Daði Smárason skoraði einnig einu sinni fyrir Göppingen.

Magdeburg hefur unnið sér inn fjögur stig í þremur fyrstu leikjum sínum í deildinni. Göppingen hefur hinsvegar tvö stig en hefur leikið einni viðureign færra.

- Auglýsing -
- Auglýsing -

Nýjustu fréttir

- Auglýsing -