- Auglýsing -
Uppi varð fótur og fit í Ólympíuhöllinni í München um klukkan hálf fimm að staðartíma í dag þegar eldvarnarkerfið gaf frá sér boð um að eldur hafi komið upp.
Tilkynningar voru þuldar upp á þýsku og ensku þar sem fólk var beðið um að yfirgefa bygginguna vegna hugsanlegs elds. Allir sem voru að störfum var gert að pakka sama föggum sínum og hraða sér að næsta útgangi. Eldvarnarhólfum var lokað.
Slökkviliðið mætti á bílum sínum með fjölmenna sveit. Fljótlega kom í ljós að ekki var hætta á ferðum. Matur hafði brunnið hressilega við á pönnu í einu eldhúsa hallarinnar. Þegar það var ljóst var öllum leyft að hverfa til baka til starfa sinna eins og ekkert hefði ískorist.
- Auglýsing -
