- Auglýsing -
Miðasala á síðasta heimaleik íslenska karlalandsliðsins í handknattleik, strákanna okkar, gegn Ísrael 12. október, hófst í hádeginu í dag og fer fram á Tix.is. Leikurinn fer fram á Ásvöllum í Hafnarfirði miðvikudaginn 12. október og hefst klukkan 19.45.
„Uppselt var á síðasta heimaleik liðsins, því er betra að hafa hraðar hendur og tryggja sér miða sem fyrst,“ segir í tilkynningu frá Handknattleikssambandi Íslands og vísar þar til viðureigninar Íslands og Austurríkis í apríl en miðarnir runnu út eins og heitar lummur. Fengu færri en vildu.
Smelltu hér og tryggðu þér miða. Miðaverð er frá 1.500 til 3.000 kr.
Viðureignin við Ísrael er sú fyrsta hjá báðum liðum í undankeppni Evrópumótsins sem fram fer í Þýskalandi í janúar 2024.
Eftir leikinn við Ísrael fer íslenska liðið til Eistlands og mætir heimamönnum laugardaginn 15. október. Næstu leikir undankeppninnar verða í mars á næsta ári.
Guðmundur Þórður Guðmundsson landsliðsþjálfari valdi á dögunum hópinn sem tekur þátt í leikjunum við Ísrael og Eistland.
- Auglýsing -
