Hafin er miðasala hjá tix.is á viðureign Íslands og Tékklands í handknattleik karla sem fram fer í Laugardalshöll sunnudaginn 12. mars klukkan 16. Leikurinn er liður í undankeppni EM 2024. Um sannkallaðann toppslag er að ræða í riðlinum þar sem lið beggja þjóða eru taplaus eftir tvær fyrstu umferðirnar.
Miðasalan eins og áður segir hjá tix.is á eftirfarandi slóð:
https://tix.is/is/event/14947/island-tekkland/
Uppselt var á síðasta heimaleik íslenska landsliðsins, gegn Ísrael í október. Þess vegna er vissara að hafa hraðar hendur og tryggja sér miða í tæka tíð á fyrsta heimaleik strákanna okkar á árinu og um leið fyrsta landsleikinn í Laugardalshöll síðan í nóvember 2020 þegar leikið var fyrir luktum dyrum.
Fyllum Laugardalshöll og styðjum strákana okkar!
(Fréttatilkynning frá HSÍ).
