- Auglýsing -

Molakaffi: Aldís, Ásdís, Jóhanna, upphitun stuðningsmanna, Petrov

Aldís Ásta Heimisdóttir gekk til liðs við Skara HF í sumar. Mynd/Mummi Lú
  • Íslendingaliðið Skara HF vann fjórða leik sinn í röð í sænsku úrvalsdeildinni í handknattleik kvenna þegar liðið lagði BK Heid, 40:23, á heimavelli. Aldís Ásta Heimisdóttir skoraði fjögur mörk fyrir Skara og átti fjórar stoðsendingar auk þess að vera vísað einu sinni af leikvelli. Ásdís Guðmundsdóttir skoraði ekki mark en átti eina stoðsendingu. Jóhanna Margrét Sigurðardóttir skoraði eitt mark. 
  • Skara situr í sjöunda sæti með 16 stig eftir 15 leiki. Heid rekur lestina án stiga. Sävehof hefur yfirburði í deildinni með 30 stig í efsta sæti eftir 15 leiki. 
  • Nokkuð hefur um innbrot í bíla fyrir utan keppnishallirnar sem í Svíþjóð sem leikir HM fara fram. Hafa m.a. ljósmyndarar illilega orðið fyrir barðinu á þjófunum sem hafa látið greipar sópa og haft á brott með sæer dýran búnað sem skilinn var eftir í bílum. Fjölmiðlum var sendur póstur í gær þar sem varað er við því að skilja verðmæti eftir í bifreiðum fyrir utan keppnishallirnar. 
  • Upphitun stuðningsmanna íslenska landsliðsins fyrir leik Íslands gegn Svíþjóð í kvöld verður á Clarion Hotel Post, Drottningtorget 10, frá kl. 15 – 18. Sérsveitin, stuðningssveit landsliða HSÍ, heldur utanum upphituna þar og keyrir upp stemninguna fram að leik. Hægt verður að kaupa treyjur þar ásamt stuðningsmannavörum og Sérsveitin býður upp á andlitsmálun.
  • Kostadin Petrov línumaður Þórs var ekki í leikmannahópi landsliðs Norður Makedóníu í gær þegar liðið vann stórsigur á Alsír í 1. umferð riðlakeppni forsetabikarsins á HM í handknattleik  í Plock í Póllandi, 40:25.
- Auglýsing -
- Auglýsing -

Nýjustu fréttir

- Auglýsing -