- Auglýsing -
- Alexander Petersson skoraði fjögur mörk og átti eina stoðsendingu þegar Melsungen vann Bergischer HC í þýsku 1. deildinni í handknattleik í gær, 26:24, á heimavelli. Arnar Freyr Arnarsson og Elvar Örn Jónsson skoruðu ekki mark en þeim var hvorum um sig vísað einu sinni af leikvelli. Arnór Þór Gunnarsson skoraði þrjú mörk fyrir Bergischer.
- Daníel Þór Ingason kom lítið við sögu þegar lið hans Balingen Weilstetten tapaði á heimavelli fyrir HSV Hamburg, 28:23, í þýsku 1. deildinni. Oddur Gretarsson er ennþá frá keppni vegna meiðsla og lék þar af leiðandi ekki með Balingen.
- Janus Daði Smárason var fjarverandi vegna axlarmeiðsla þegar Göppingen tapaði með níu marka mun, 29:20, í heimsókn til Leipzig.
- Eftir basl upp á síðkastið þá gátu leikmenn Hannover-Burgdorf fagnað í gær er þeir lögðu Erlangen, 35:31, á útivelli í þýsku 1. deildinni. Heiðmar Felixson var á dögunum ráðinn aðstoðarþjálfari Hannover-Burgdorf.
- Ómar Ingi Magnússon og Gísli Þorgeir Kristjánsson léku að vanda með SC Magdeburg í gær þegar liðið vann Lübbecke, 30:23, í annarri umferð þýsku bikarkeppninnar í handknattleik. Ómar Ingi skoraði fjögur mörk og Gísli Þorgeir eitt. Dregið verður til 16-liða úrslita í dag.
Standings provided by SofaScore LiveScore
- Auglýsing -
